პირადი დაცვა

გსურთ მაქსიმალური დაცვა, საკუთარი გუნდი ყოველთვის ჯობია

 

პერსონალური უსაფრთხოება. საკუთარი პირადი დაცვის უპირატესობა არის ლოიალობა, ჩახედულობა და მყისიერი რეაგირების უნარი, რასაც ვერც ერთი გარე კომპანია ვერ უზრუნველყოფს იმავე ხარისხით. როცა დაცვის თანამშრომლები პირადად გიცნობენ და შენს ყოველდღიურობაში არიან ინტეგრირებულნი, ისინი მხოლოდ მცველები კი არ არიან, არამედ შენი ცხოვრების სტილის ნაწილი. ეს იძლევა რამდენიმე კონკრეტულ უპირატესობას. პერსონალური უსაფრთხოება არის ბევრად უფრო ფართო ცნება, ვიდრე უბრალოდ "მცველის ყოლა". ის მოიცავს თქვენი ცხოვრების ყველა იმ ასპექტის დაცვას, რაც თქვენთვის ძვირფასია.

 

პროაქტიული და არა რეაქტიული დაცვა. კერძო დაცვის კომპანიის მცველი მოქმედებს ინსტრუქციის მიხედვით და ის რეაგირებს მომხდარ ფაქტზე. საკუთარი მცველი იცნობს თქვენს ჩვევებს (იცის, სად დადიხართ ყავაზე, რომელ მარშრუტს ირჩევთ ოჯახთან ერთად, ვინ არიან თქვენი მეგობრები) და ამჩნევს ანომალიებს (მაგ.: უცნობ მანქანას თქვენს ქუჩაზე ან საეჭვო ადამიანს რესტორანში), რადგან მან იცის, რა არის "ნორმალური" თქვენს გარემოში.

 

მაქსიმალური კონფიდენციალურობა. ეს ალბათ ყველაზე მნიშვნელოვანი ფაქტორია, რადგანაც ინფორმაცია რჩება გუნდში – არ არსებობს რისკი, რომ დაცვის კომპანიის სხვა კლიენტმა ან კომპანიის შიდა ქსელმა გაიგოს თქვენს შესახებ დეტალები. მცველები დროთა განმავლობაში ხდებიან "ოჯახის წევრები" – მათთვის ბუნებრივია პირადი საუბრების მოსმენა ან ოჯახური საიდუმლოებების ცოდნა, მაგრამ ისინი არიან ადამიანები, რომლებსაც უსაზღვროდ ენდობი.

 

მყისიერი რეაგირება და უწყვეტობა. ისინი ყოველთვის ახლოს არიან, არ გჭირდებათ დარეკვა და ლოდინი, სანამ კომპანია გამოგიგზავნით მცველს. იციან თქვენი მდებარეობა რეალურ დროში, თუ რამე მოხდა, ისინი უკვე იქ არიან, რადგან თქვენთან ერთად მოძრაობენ.

 

სიტუაციის ღრმა ცოდნა. იცნობენ არა მხოლოდ თქვენ, არამედ თქვენს ოჯახს, პარტნიორებს, პერსონალს. მათ იციან, ვინ არის "თავისი" და ვინ არის "უცხო". ესმით თქვენი ემოციური მდგომარეობა, იციან, როდის ხართ დაღლილი, გაღიზიანებული ან დაუცველი, და შესაბამისად ახდენენ დაცვის ტაქტიკის მორგებას.

 

სრული კონტროლი შერჩევაზე. თქვენ თავად არჩევ ადამიანებს, ხედავთ მათ, ესაუბრებით, გრძნობთ მათ ენერგიას. შეგიძლიათ მოითხოვოთ კონკრეტული უნარები, მაგ.: ფლობდეს თქვენს მშობლიურ ენას, ჰქონდეს სამედიცინო განათლება ან იყოს ქალი, თუ ეს შენთვის კომფორტის საკითხია.

 

ნაკლები ბიუროკრატია. არ გჭირდებათ კონტრაქტების გაფორმება, ანგარიშების წერა და კომპანიის მენეჯმენტთან კომუნიკაცია. თუ რამე გჭირდებათ, უბრალოდ ეუბნებით მათ და ისინი ასრულებენ.

თქვენი სტატუსის ღირსი დაცვა

 

სდსს ვეტერანები გთავაზობთ სრულ კონსალტინგს და მხარდაჭერას პერსონალური უსაფრთხოების შექმნაში,

რაც მოიცავს ფიზიკური პირის დაცვის ყველა ძირითად კომპონენტს:

 

1. ფიზიკური უსაფრთხოებს დაგეგმვა: პირადი დაცვის შერჩევა (პროფესიონალი მცველები (ბოდიგარდები), რომლებიც თქვენთან არიან ყოველდღიურ ცხოვრებაში, მოგზაურობისას ან ღონისძიებებზე), საცხოვრებლის უსაფრთხოების უზრუნველყოფა (თქვენი სახლის, ბინის ან აგარაკის დაცვა - სიგნალიზაცია, ვიდეოკამერები, ჯავშანკარები, განათება), უსაფრთხო ტრანსპორტირების განხორცილება (გაწვრთნილი მძღოლები, ჯავშანმანქანები, უსაფრთხო მარშრუტების დაგეგმვა), თავდაცვის უნარების სწავლება (პირადი თავდაცვის ტექნიკის ცოდნა ან იარაღის ფლობა (საჭიროების და კანონმდებლობის შესაბამისად).
2. ციფრული უსაფრთხოების დაგეგმვა: მონაცემების დაცვა (პაროლების მართვა, ორფაქტორიანი ავტორიზაცია, მონაცემების დაშიფვრა), კონფიდენციალურობა (სოციალურ ქსელებში აქტივობის კონტროლი, იმის ცოდნა, თუ რა ინფორმაციას აქვეყნებთ საკუთარ თავზე), ფიშინგისა და გატეხვისგან დაცვა (იმის ცოდნა, თუ როგორ ამოვიცნოთ თაღლითური მეილები და ბმულები), მოწყობილობების უსაფრთხოება (თქვენი ტელეფონის, ლეპტოპის და სხვა მოწყობილობების დაცვა).
3. საინფორმაციო უსაფრთხოება (კონტრდაზვერვა): კონტრსათვალთვალო ღონისძიებები (ფარული კამერების, საყურებელი მოწყობილობების (bugs) და GPS ტრეკერების გამოვლენა თქვენს სახლში, მანქანაში ან ოფისში, ფონის შემოწმება (იმ ადამიანების შემოწმება, ვინც თქვენს გარემოცვაში შედის (პერსონალი, მძღოლები, ძიძები, ბიზნესპარტნიორები).

4. ემოციური და ფსიქოლოგიური უსაფრთხოების უზრუნველყოფა: სტრესის მართვა (უნარი, შეინარჩუნოთ სიმშვიდე და გონივრულად იმოქმედოთ კრიზისულ სიტუაციაში), საზღვრების დაცვა (უნარი, უთხრათ "არა" და დაიცვათ თქვენი პირადი სივრცე ტოქსიკური ადამიანებისგან), რეპუტაციის დაცვა (იმის მართვა, თუ როგორ აღიქვამენ თქვენ საზოგადოებაში, განსაკუთრებით მაღალი საჯაროობის მქონე პირებისთვის).

5. კრიზისული მზადყოფნა უზრუნველყოფა: გადაუდებელი გეგმები (იცოდეთ როგორ უნდა მოიქცეთ ხანძრის, მიწისძვრის, თავდასხმის ან სხვა საგანგებო სიტუაციის დროს), საკომუნიკაციო გეგმა (ვის დაურეკოთ პირველ რიგში, სად შევიკრიბოთ ოჯახის წევრებთან ერთად), სამედიცინო მზადყოფნა (პირველადი დახმარების ცოდნა, მედიკამენტების ქონა).

6. მოგზაურობის უსაფრთხოების დაგეგმვა: მიმართულების შესწავლა (იმ ქვეყნის რისკების ცოდნა, სადაც მიემგზავრებით (დანაშაული, პოლიტიკური ვითარება, დაავადებები), უსაფრთხო ტრანსპორტის (სანდო ტაქსების, ტრანსფერების) შერჩევა, სასტუმროს უსაფრთხოება (იმის ცოდნა, თუ რომელი ოთახია ყველაზე უსაფრთხო (მაგ., პირველ სართულზე არა), სად არის ავარიული გასასვლელები)